ਤਾਜਾ ਖਬਰਾਂ
ਪਾਤੜਾਂ ਉਦਯੋਗਿਕ ਖੇਤਰ ਵਿੱਚ ਸਥਿਤ ਇਕ ਕੂਕਰ ਫੈਕਟਰੀ ਵਿੱਚ ਅਚਾਨਕ ਭਿਆਨਕ ਅੱਗ ਲੱਗ ਗਈ। ਅੱਗ ਨੇ ਸਿਰਫ ਕੁਝ ਮਿੰਟਾਂ ਵਿੱਚ ਫੈਕਟਰੀ ਨੂੰ ਧੂੰਏਂ ਅਤੇ ਲਪਟਾਂ ਨਾਲ ਘੇਰ ਲਿਆ। ਫੈਕਟਰੀ ਦੇ ਅੰਦਰ ਕੰਮ ਕਰ ਰਹੇ ਕਈ ਮਜ਼ਦੂਰ ਇਸ ਅੱਗ ਵਿੱਚ ਫਸ ਗਏ। ਮੌਕੇ ‘ਤੇ ਤੁਰੰਤ ਫਾਇਰ ਬਿ੍ਗੇਡ ਦੀਆਂ ਕਈ ਗੱਡੀਆਂ ਪਹੁੰਚੀਆਂ ਅਤੇ ਅੱਗ ਨੂੰ ਕਾਬੂ ਵਿੱਚ ਕਰਨ ਦੀ ਕੋਸ਼ਿਸ਼ ਸ਼ੁਰੂ ਕੀਤੀ। ਘੰਟਿਆਂ ਦੀ ਮਸ਼ੱਕਤ ਤੋਂ ਬਾਅਦ ਹਾਲਾਤ ਕਾਬੂ ਵਿੱਚ ਆਏ, ਪਰ ਫੈਕਟਰੀ ਤੋਂ ਹਾਲੇ ਵੀ ਧੂੰਆ ਅਤੇ ਲਪਟਾਂ ਉੱਠ ਰਹੀਆਂ ਹਨ।
ਇਸ ਭਿਆਨਕ ਘਟਨਾ ਵਿੱਚ ਬੁਰੀ ਤਰਾਂ ਝੁਲਸੇ ਹੋਏ 2 ਮਜ਼ਦੂਰਾਂ ਨੂੰ ਬਹੁਤ ਮੁਸ਼ਕਲ ਨਾਲ ਬਾਹਰ ਕੱਢਿਆ ਗਿਆ। ਇਨ੍ਹਾਂ ਵਿੱਚੋਂ ਇੱਕ ਮਜ਼ਦੂਰ ਨੇ ਹਸਪਤਾਲ ਪਹੁੰਚਣ ਤੋਂ ਬਾਅਦ ਦਮ ਤੋੜ ਦਿੱਤਾ, ਜਦਕਿ ਦੂਜੀ ਗੰਭੀਰ ਝੁਲਸੀ ਹੋਈ ਮਜ਼ਦੂਰ ਔਰਤ ਨੂੰ ਪਟਿਆਲਾ ਦੇ ਹਸਪਤਾਲ ਲਈ ਰੈਫਰ ਕੀਤਾ ਗਿਆ।
ਮੌਕੇ ‘ਤੇ ਸਥਾਨਕ ਵਾਸੀਆਂ ਨੇ ਵੀ ਮਜ਼ਦੂਰਾਂ ਨੂੰ ਬਾਹਰ ਕੱਢਣ ਵਿੱਚ ਮਦਦ ਕੀਤੀ। ਇਕ ਬਚਾ ਮਜ਼ਦੂਰ ਦੱਸਦਾ ਹੈ ਕਿ ਅੱਗ ਇੱਕ ਬਿਜਲੀ ਦੇ ਸ਼ੌਰਟ ਸਰਕਟ ਕਾਰਨ ਪੈਕਿੰਗ ਵਾਲੇ ਗੱਤਿਆਂ ਵਿੱਚ ਲੱਗੀ ਅਤੇ ਛੇਤੀ ਹੀ ਇਹ ਫੈਕਟਰੀ ਦੇ ਸਾਰੇ ਹਿੱਸਿਆਂ ਵਿੱਚ ਫੈਲ ਗਈ। ਜਦੋਂ ਕਿ ਬਹੁਤ ਸਾਰੇ ਮਜ਼ਦੂਰ ਬਾਹਰ ਨਿਕਲ ਗਏ, ਪਰ ਕੁਝ ਮਜ਼ਦੂਰ ਜੋ ਫੈਕਟਰੀ ਦੇ ਪਿਛਲੇ ਹਿੱਸੇ ਵਿੱਚ ਕੰਮ ਕਰ ਰਹੇ ਸਨ, ਉਹ ਫਿਰ ਵੀ ਅੰਦਰ ਫਸੇ ਹੋਏ ਹਨ।
Get all latest content delivered to your email a few times a month.
